5/8 放榜

起身出門口

過柴灣山崎買麪包...撞到果度既大佬強哥...傾左幾句

強哥:「唸住點呀?」

我:「升唔到應該轉長工架喇...不過會調去APM(觀塘)囉」

之後番學校...係個班房一邊食藥(ps: 我病左)、同fd吹下水

成績一出....9分 (上年 11分)....世史跌左2個grade (上年B,今年D)

但中文就合格番

講真...自己都預左....所以我無乜唔開心

自己都預左出黎做野 (考慮到屋企同個人情況)

我同自己講:「呢個係一個磨練,我既人生而家先至開始」

出課室門口撞到上年教世史既鄭sir

我同佢講:「鄭sir,多謝你.....唔好意思啦....再無機會俾你教世史喇.....而家唸住轉長工整麫包喇」

鄭sir:「唔緊要喇...行行出狀完...記得得閒整d麪包俾我食喎」

好奇怪...我無再好似上年咁....忍唔住係佢面前喊左出黎...反而仲好開心

哈.....真係好大對比

之後陪麒哥落左禮區...自己又睇吓收生....同吓d fd吹水

果陣有好多fb打電話/sms打黎問我點....我先知道原來仲有好多fd關心我、支持我

見到班主任miss hui

雖然同呢位老師唔多野講...但我知道今次好有可能係最後一次見面

我都忍唔住同佢講:「miss,多謝您 =]」

miss hui呆左 (佢估唔到我會多謝佢)

我繼續講:「多謝妳呀,雖然我跌分,但我中文合格番喇...而家唸住轉長工」

miss hui:「都好呀....你搵到自己興趣 =]」

講完之後...當堂成個人鬆哂...我終於肯放低成見

雖然我輸左成績...但我就將自己再次贏番黎

哈...我真越黎越欣賞我自己 =]

之後陪麒哥撲學校

雖然唔關我事....但我仲好堅持要幫佢

係因為....

我同自己講:「就當係一個成長既經驗....或者...第時我有仔女....自己都唔洗咁"旁惶"」

知道蘇浙放麒哥係waitng list.....就同佢搵學校

孔聖堂>顯理>李潤田>協同>桂華山>再返番蘇浙

咁第一日個收生都完左喇

見到麒哥好灰....不過佢都同我講:「你都陪我成日啦...唔該你...不如你番去喇」

聽到之後其他都幾開心...原來係呢d時候朋友真係好重要

之後番左落左北角山崎搵霞姐

佢點我點.....我話唸住轉長工.....佢聽到之後好開心

之後番左屋企訓陣....醒左之後阿景打黎

約我落陣街吹水

出門口果陣阿媽要我帶傘...但我理都無理就出左門口

見番阿景...同佢講番我跌分既情況

陪佢落左永利食野.....再去番柴公吹水

點知呢個時候就落大雨喇...我地兩個都無帶傘

但我地2條友仔一d都唔介意

我仲話:「有陣時咁淋下雨都幾舒服呀 =]」

咁樣...我地就邊淋雨邊係柴灣吹水

此情此景....我忍唔住拍阿景搏頭講:「無論你repeat定有其他出路...我都支持你」

阿景當堂好開心.......我發現.....原來朋友真係好緊要

(係度多謝阿景先....肯陪我淋雨 ^^)

之後番屋企...阿媽見到我成隻落湯雞咁都無話我

仲話叫我沖涼

之後食飯....因為阿媽同我講:「你而家轉part time覺得唔悶咋.....做耐左你會覺得悶架喇」

我知阿媽講野不嬲都係咁....但我今日真係頂唔到

感覺上....佢好似睇死我會3分鐘熱度

之後我發牌氣講左句:「如果我真係3分鐘熱度既....我就唔會係度做左2個幾月都唔走啦!」

之後我地食飯無聲出

食完飯上左舅父屋企借焗爐

呢個時候joey姐姐都好多野同我講

佢大概話:「出野做野同讀書係兩回事....我雖然讀到好高學歷...但我都係一個普通人...我都係打份番普通工....同埋我見到好多人雖然高學歷...但佢地既人格未必係掂...讀唔到書唔緊要...最緊要唔好無左個人格...同埋知道自己想點」

平時同joey姐姐都無乜幾句...但佢知道我地(我,表哥,表弟)放榜...佢就會第一時間問我地

係度多謝joey姐.....我真係好感動

之後番屋企訓

6/8 整蛋撻

今日放假

朝早謝sir係msn問我唸住點....

我話:「升唔到中六都唸住轉長工架啦」

佢話:「唔好...因為讀書好重要...將來工作既日子大把....況且你係一個讀到書既人」

但我真係唸過幾個因素先會揀出黎做野

第一、考慮到屋企環境

第二、考慮年齡

第三、自問方向唔夠清晰....唔想亂咁搵野讀....哂時間

(見唔少人讀左ive/中六先黎後悔...結果又出番黎做野/轉科)

之後我打左呢段野:

「雖然好多人都話咁早出黎做野會後悔....但我覺得....如果出野做野可以令到自己成長,認清楚自己既方向...我又覺得值得喎」

始終...條路都係自己揀

之後出街買麪包材料...過山崎搵吓阿昇...買左2個太古無既麪包

之後番屋企整麪包

17/7 (五) day off

朝早唸住搵阿景游水...見佢msn無on都知佢未起身

晏晝終於見到佢on....佢話唔想游

算...去健康檢查

經過柴灣山崎..."莊"吓阿昇番工

量高磅重....原來我超左5,6kg

之後去柴室借書...再落永利攞影印

再去整蛋糕間鋪頭睇野....買左個可以擺入焗爐既溫度計 (ps:想係屋企整面包 =])

之後番屋企....又俾我撞到阿昇....又傾吓山崎d野

9點半落街跑

10點3上番屋企

16/7 (四) 番工

例牌攤包...搓波

之後同少雄哥搓豬仔,搓棒

紅梅合桃包(搓有餡豬仔):包得無沉日咁靚....仲有d包到爆左餡

芒果奶(搓棒):唔得....搓果陣落唔夠面粉...痴到飛起....仲搓到一邊大,一邊細...無計...對手太勁

(ps:少雄哥整面超靚囉!!)

新款提子包(落機):基本上少雄哥做哂...我負責汁靚d位

迷你腸包(搓條+包腸):搓條長左少少...包腸一向都唔係問題 =]

忌廉號角(卷號角):ok喇....最煩都係焗完之後要擠cream+灑糖霜....

朱古力千層批(加朱古力醬):日日都係咁加架喇

窩夫(玩機+「包小籠包 x 80」+加朱古力醬):「包小籠包」包到上左癮 =].....4分鐘可以包到40個 @@ (ps:姐係焗一轉窩夫既時間可以包到一包窩夫....我都覺得自己癲癲地 @@)

聽到麗姐講番銓哥沉日個gag....笑到收唔到聲 (ps:沉晚銓哥話麗姐搞到佢抬唔起喎)

之後有個客問山崎有無墨西哥包....我直頭笑到扒左係度

1點半將個飯盒放入焗爐....2點鐘先食飯 (平時1點半食飯架...)

食完飯先發覺自己食飯前焗多左一包窩夫 (好....晏晝咪做少d囉 =])

晏晝繼續開工...「包小籠包 x 80」....包到隻手好似已經唔屬於自己

之後輝sir俾我自己焗法包....精彩囉 =]

首先,搬d發酵完既法包上法包床

之後,塗蛋黃 (輝sir教我塗野個掃渣到好似吊掛咁就得喎)

再之後,幫d法包戒紋 (咁樣d法包焗完就會有番d白色紋)

跟住再抬張法包床落石窑爐....再拉番張法包床出黎...咁d法包就會落哂個爐入面

最後,個爐要加濕...再用200度焗30分鐘 (食得 @@)

(ps:我仲見到遠處既您偷偷為我鼓掌.....我真係好開心 =])

5點鐘洗機...洗枱....收工

15/7 (三)

番工

攤包...最悶既工作

收包(搓波)....搓得超靚...已經掌握到個竅門 =]

法棒(搓棒)....開始上手啦....慢慢有番自己既手勢 =]

黃金芝士腸包(包腸仔).....ok啦.....起碼舊面團無氣先啦

迷你腸仔包(包腸仔)....d面團搓得太長...包絕對無問題喇 =]

合桃紅梅包(搓豬仔)...搓到同亮哥果d一模一樣....無再搓到爆餡lu

波波腸(好似搓冬甩咁搓)....ok啦....起碼無俾金妹姐鬧先喇....

芒果奶(搓棒)...唔得...舊面團太痴....痴到成手都係

窩夫(玩機+包小籠包):玩機就日日都係咁玩....日日都要包160個朱古力窩夫.....基本上「包小籠包」已經俾我練到熟哂 =]

整窩夫果陣成日聽到銓哥同麗姐互串...好爆笑

之後汁吓包...幫客切吓包

4點9洗機....洗枱

臨放工輝sir爆哂粗咁鬧銓哥....又係笑到碌地

放工入打粉房換衫....見到亮哥係度DIY泡芙

亮哥:「入黎換衫喇...唔驚喎....試吓d cream得唔得?」

我:「唔夠甜...同埋好水...」

亮哥:「咁加多d糖囉 =]」

仲請埋我食...多謝亮哥 ^^

6點半番屋企